19 снежня французскі суд прызнаў Дамініка Пэліко вінаватым у шматразовым адурманьванні і згвалтаванні сваёй былой жонкі Жызэль, а таксама ў прапанаванні дзясяткам незнаёмых мужчынаў мець палавыя стасункі з ёю, калі жанчына была ў несвядомым стане.
Як паведамляе pap.pl, пракуроры запатрабавалі для Пэліко максімальнага пакарання – 20 гадоў пазбаўлення волі. Астатнім 50 суўдзельнікам, бальшыню з якіх вінавацяць у згвалтаванні несвядомай жанчыны, пагражаюць пакаранні ад 4 да 18 гадоў зняволення.
Нагадаем: працэс у справе масавых згвалтаванняў узрушыў Францыю. Жызэль Пэліко настойвала на адкрытасці слуханняў, каб пераадолець сорам і маўчанне, якія часта суправаджаюць ахвяраў сексуалізаванага гвалту, і дапамагчы іншым жанчынам – ахвярам «пігулкі гвалту».
72-гадовы Дамінік Пэліко, імаверна, правядзе рэшту жыцця ў турме.
На абвяшчэнні прысуду прысутнічала былая жонка Дамініка – Жызэль Пэліко, якая стаяла тварам да абвінавачаных.
Надзея Вольная belsat.eu
