Спявак Макс Корж абвесціў на сваёй старонцы ў Інстаграме пра солдаўт – квіткі на ягоны канцэрт на Нацыянальным стадыёне ў Варшаве, запланаваны на 9 жніўня 2025 года, цалкам распраданыя.
Квіткі паступілі ў продаж 10 снежня. Іх раскупілі за 5 дзён. На білетных сэрвісах кошт стартаваў ад 190 злотых ($ 47) і даходзіў да 20 тысячаў злотых ($ 4954) у VIP-сектары.
Нацыянальны стадыён у Варшаве (PGE Narodowy) – буйнейшы ў Польшчы. Яго ўмяшчальнасць – 72 тысячы чалавек.
Арганізатары абяцаюць «самае грандыёзнае шоў з неверагоднай энергетыкай» ды «вечар, які вы не забудзеце». Будуць ладзіцца аўтобусныя туры з розных гарадоў Еўропы. Таксама з 8 да 10 жніўня 2025 года ў Варшаве будзе арганізаваны намётавае мястэчка, дзе «ўсе ахвочыя змогуць размясціцца пад зорным небам, у атмасферы, з найлепшым вайбам».
Макс Корж пакінуў Беларусь у кастрычніку 2024 года пасля выкліку ў міліцыю. Выступ у Варшаве стане ягоным першым канцэртам у Польшчы з 2019 года.
Марыя Міхалевіч belsat.eu
