№ 18 у адвэнт-календары «Белсату» – дыджэй Аляксандр Багданаў

Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Што за песня часцей за ўсё грала ў іхніх навушніках і якая іх галоўная мара?

Глядзіце святочную анкету і трымайце добры настрой ужо зараз!

У акенцы № 18 нашага святочнага календара схаваўся чарговы наш герой – Аляксандр Багданаў. Ён вядомы як дыджэй Papa Bo Selektah, арт-менеджар, культурны актывіст і адзін з сузаснавальнікаў культурнага цэнтру «Корпус» у Менску. За ўдзел у пратэстах супраць фальсіфікацыі выбараў у Беларусі атрымаў тры гады калоніі, але ў 2022 годзе ўцёк у Грузію. Цяпер жыве ў Варшаве, дзе ў 2024 годзе выдаў вініл «Belarus Outside Sound System» з кампіляцыяй трэкаў беларускіх электронных артыстаў.

13 адказаў Аляксандра глядзіце ніжэй.

1. Галоўная падзея гэтага года для вас: Атрыманне ВНЖ

2. Апішыце гэты год адным словам: Лайно

3. Якім персанажам на Каляды вы б апрануліся? Каляднай зоркай

4. Самы шчаслівы момант 2024 года: Фларэнтыйскія вакацыі

5. А галоўны фэйл? Адкладанне вывучэння польскай мовы

6. Якая беларуская навіна ўразіла вас больш за ўсё ў гэтым годзе? Калеснікава жывая

7. З кім з беларусаў вы хацелі б пазнаёміцца? З Данчыкам*

8. Якая песня ў вас гучала часцей за ўсё ў гэтым годзе? «DECIBELS» (ZLDR)

9. Хто з беларусаў стаў для вас асабістым адкрыццём года? Насця Рыдлеўская

10. Ваш любімы калядны фільм: «Доўгі пацалунак на ноч» («The Long Kiss Goodnight»)

11. Самы запамінальны рэйв у вашым жыцці: Вядома ж, мой сэт на пратэстах 2020 года

12. Вашая мара на наступны год: Знайсці працу мары

13. Што б вы пажадалі беларусам у новым годзе? Пазбягаць бульбасрачаў

* Данчык (сапраўднае імя Багдан Андрусішын) — беларускі спявак, журналіст і грамадскі дзеяч, які асноўную частку жыцця правёў за межамі Беларусі.

Паглядзець папярэднія адказы можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!

Тэса Анэйда belsat.eu