Галоўныя падзеі cённяшняга дня ў праграме "Аб'ектыў" такія:
- МЗС Польшчы выклікала часова паверанага Беларусі.
- Паранойя перад “выбарамі”: 3 20 снежня па 1 лютага ў Беларусі ўводзяць забарону на зняццё сродкаў з замежных банкаўскіх картак.
- Чыгуначнікі Беларусі: значна вырас экспарт у Беларусь грузаў з акупаваных украінскіх тэрыторыяў.
- Еўразвяз заклікаў Менск вызваліць супрацоўніка дэлегацыі ЕЗ у Беларусі, прапаведніка Нікалая Хіло. Суд над ім распачнецца ў панядзелак 23 снежня.
- Назвалі прычыну пажару ў ГЦ "Беларусь": кароткае замыканне. МНС правярае гандлёвыя цэнтры пасля пажару ў Віцебску.
- Гадавіна Плошчы-2010. Падзеі вачыма тагачаснага кандыдата ў прэзідэнты, журналіста і простай ўдзельніцы. Ці можна 19 снежня 2010 назваць прадвеснікам пратэстаў і абуджэння беларусаў у 2020?
Дайджэст замежжа: Польшча ўвяла санкцыі супраць трох пастаўшчыкоў беларускіх угнаенняў. Францыя падрыхтуе яшчэ адну брыгаду для ЗСУ, — Зяленскі па выніках сустрэчы з Макронам. Растоўскую вобласць атакавалі 30 дронаў і тры ракеты, пад удар трапіў нафтазавод. Чэхія больш не будзе даваць грамадзянства расейцам. Пазітыўны Санта Клаўс з Бразіліі.
- Як жывуць украінскія дзеці-сіроты ў рэаліях вайны – у рэпартажы нашых карэспандэнтаў.
- Амбасада ЗША ў Беларусі выпусціла адмысловую заяву.
