Следчыя Нацыянальнай паліцыі Украіны паведамілі, што выявілі злачынную групоўку, якая арганізоўвала дамоўныя спартовыя матчы, каб зарабляць на букмекерскіх стаўках.
Украінскія следчыя 11 снежня правялі 45 адначасовых ператрусаў па ўсёй краіне ў падазроных і іх магчымых саўдзельнікаў. Па папярэдніх падліках, незаконны прыбытак мог складаць мільёны ўкраінскіх грыўняў, якія выводзіліся праз крыптакашалькі.
Украінскія і беларускія СМІ палічылі, што адным з датычных да справы спартоўцаў, з'яўляецца футбаліст беларускага паходжання Арцём Мілеўскі. Раней ён гуляў за зборную Украіны, а ў верасні ў яго праводзілі ператрус, таксама паводле дамоўных матчаў.
Але па дадзеных РБК-Украіна, менавіта Мілеўскага па гэтай справе зараз не затрымлівалі і падазрэнне яму не аб'яўлялі. Ëн выступае ў ролі сведкі. Пазней і сам спартовец адрэагаваў на сваё «затрыманне». Ён выклаў відэа ў сваім Instagram-акаўнце, дзе напісаў, не падбіраючы слоў: «У СІЗА б***. Ну клоўны, б*я. Што яшчэ выдумаеце?»
Тэса Анэйда belsat.eu
