Вайна

Пазыўны Газ. Яшчэ адзін беларус загінуў, абараняючы Украіну

Беларускі добраахвотнік Газ. Фота: zerkalo.io
Беларускі добраахвотнік Газ. Фота: zerkalo.io
podpis źródła zdjęcia

Ва Украіне загінуў беларускі добраахвотнік з пазыўным Газ. Беларус служыў у Інтэрнацыянальным легіёне. Яму было 25 гадоў.

Пра смерць беларускага добраахвотніка Газа паведамілі яго сябры ў сацыяльных сетках. Па іх словах, ужо адбылося пахаванне, піша «Наша Ніва».

Нарадзінец Наваполацку, беларус з 16 гадоў жыў у Маскве, куды пераехаў да бацькі, грамадзяніна Расеі. Там ён і жыў на пачатак поўнамаштабнай вайны ў Маскве, меў і беларускае, і расійскае грамадзянства. На момант пачатку вайны беларус працаваў камерцыйным дырэктарам па развіцці ў кампаніі аўтазапчастак, быў далёкім ад палітыкі.

У інтэрв’ю Zerkalo ён расказваў, што праз засілле праваеннай прапаганды, у жніўні 2022 года вярнуўся ў Беларусь, дзе ўсвядоміў сябе беларускім патрыётам. А ў канцы 2023 года канчаткова вырашыў ваяваць за Украіну, падаў заяўку ў Інтэрнацыянальны легіён.

Сям’я не падтрымала выбар хлопца, а бацька, грамадзянін Расіі, нават абарваў кантакты з ім.

,,

«Я вельмі рады, што зрабіў такі выбар. Адзінае, аб чым шкадую, – што не паехаў ва Украіну раней», – казаў ён.


Агулам з пачатку 2014 года за незалежнасць і свабоду Украіны загінулі каля 60 беларусаў. Імёны значнай часткі з іх не называюцца праз пагрозы пераследу сваякоў у Беларусі.

Якуб Хруст belsat.eu

больш па гэтай тэме Глядзіце больш
Item 1 of 4
апошнія
Item 1 of 10