Камунальныя службы расказалі, як у Беларусі нельга ўпрыгожваць двары ў гарадах. І гэта пры тым, што менавіта так іх часцяком і аздабляюць. Але камунальнікі заяўляюць: гэта неахайна, псуе агульны выгляд двара або клумбы ды можа стацца прычынаю траўмавання дзяцей і хатніх гадаванцаў. Больш за тое, гэта забаронена заканадаўствам.
«Згодна з пастановаю Савету Міністраў Беларусі № 399, жыхары шматкватэрных дамоў абавязаныя трымаць у чысціні не толькі жылыя памяшканні і месцы агульнага карыстання, але таксама тэрыторыю ля дому. Таму ўсталяванне збудаванняў з пластыкавых бутэлек, апонаў або старых цацак недапушчальнае», – апавёў выданню «Минск-Новости» начальнік аддзелу добраўпарадкавання і санітарнага ўтрымання жыллёвага фонду ЖКГ Савецкага раёну Кірыл Васіленка.
Прызнаючы неабходнасць мяняць «лысую гуму», камунальнікі раяць пакідаць яе на СТА або здаваць у пункт прыёму другаснай сыравіны.
Двары ж рэкамендуюць упрыгожваць дэкаратыўнымі раслінамі і кветкамі. Пры гэтым усё, што вышэй за 1,5 метра, ізноў жа патрабуе ўзгадненне з ЖЭС і ЖЭК.
Нагадаем, што з пачаткам поўнамаштабнага ўварвання ва Украіну краіны Захаду спрабавалі абмежаваць пастаўкі ў Расею аўтамабільных апонаў. Але, як выявілася, Беларусь дапамагае абыходзіць гэтыя абмежаванні. А самі апоны пасля трапляюць у расейскія войскі, што бяруць удзел у вайне з Украінай.
Якуб Хруст belsat.eu
