З 1 да 25 снежня штодзень адкрывайце новыя цікавінкі пра вядомых беларусаў і беларусак у адвэнт-календары «Белсату».
Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Што за песня часцей за ўсё грала ў іхных слухаўках і якая іхная галоўная мара?
Цікава? Тады глядзіце святочную анкету і трымайце добры настрой ужо зараз!
У акенцы № 17 нашага святочнага календара – акторка беларускага тэатру і кіно Святлана Зелянкоўская. Былая прыма тэатру імя Янкі Купалы, а цяпер акторка ў складзе вольных купалаўцаў. Пасля пераезду ў Варшаву адкрыла сваю тэатр-студыю «Зялёнае святло». У лістападзе грала адную з галоўных роляў у спектаклі «Ордэн белай мышы» паводле твору Уладзіміра Арлова.
1. Галоўная падзея гэтага года для вас: Пачала пісаць песні
2. Апішыце гэты год адным словам: Адраджэнне
3. Якім персанажам на Каляды вы б апрануліся? Казой ці Зімой
4. Самы шчаслівы момант 2024 года: Сустрэча з дзецьмі
5. А галоўны фэйл? Расчараванне
6. Якая беларуская навіна ўразіла вас больш за ўсё ў гэтым годзе? Вызваленне палітзняволеных
7. З кім з беларусаў вы хацелі б пазнаёміцца? З Марыяй Калеснікавай
8. Якая песня ў вас гучала часцей за ўсё ў гэтым годзе? «Дим» (Без обмежень)
9. Хто з беларусаў стаў для вас асабістым адкрыццём года? Святлана Курс
10. Ваш улюбёны калядны фільм: «Love Actually»
11. Калі б паводле вашага жыцця здымалі кіно, што гэта было б? Трагікамедыя
12. Вашая мара на наступны год: Разам з дзецьмі правесці шмат часу на моры
13. Што б вы пажадалі беларусам у новым годзе? Перамогі над вусатым
Паглядзець папярэднія адказы можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!
Тэса Анэйда belsat.eu
