З 1 да 25 снежня штодзень адкрывайце новыя цікавінкі пра вядомых беларусаў і беларусак у адвэнт-календары «Белсату».
Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Што за песня найчасцей гучала ў іхніх слухаўках? Пра што яны мараць?
Цікава? Тады глядзіце святочную анкету і трымайце добры настрой ужо зараз!
У акенцы № 13 нашага святочнага календара – Мікіта Моніч, мастацтвазнавец і экскурсавод, аўтар і вядоўца YouTube-каналу «Каля культуры». Мікіта працаваў у Нацыянальным мастацкім музеі ў Менску, адкуль яго звольнілі за верш у 2020 годзе. З пачаткам поўнамаштабнай вайны ва Украіне з’ехаў у Мадрыд.
13 шчырых адказаў Мікіты глядзіце ніжэй.
1. Галоўная падзея гэтага года для вас: У мяне кепска атрымліваецца глядзець у асабістую мінуўшчыну, але з апошняга гэта прызнанне каналу «Каля культуры» экстрэмісцкім. Яно, пры ўсёй заканамернасці гэтага кроку, чамусьці вельмі мяне здзівіла
2. Апішыце гэты год адным словам: А можна мемам? Тым, дзе сабачка сядзіць у доме, які палае, і кажа: «I'm fine»
3. Якім персанажам на Каляды вы б апрануліся? Казою, відавочна
4. Самы шчаслівы момант 2024 года: Ехалі праз палову Іспаніі на машыне з сям'ёю ды беларускімі сябрамі на акіян
5. А галоўны фэйл: Заваліў экзамен на ліцэнзію гіда
6. Якая беларуская навіна ўразіла вас больш за ўсё ў гэтым годзе? Дзед памёр у Менску, а я далёка
7. З кім з беларусаў вы яшчэ не знаёмыя, але вельмі хацелі б пазнаёміцца? Асабіста сустрэцца з Марыяй Калеснікавай
8. Якая песня ў вас гучала часцей за ўсё ў гэтым годе? «Не печалуйся» (Света Бень)
9. Хто з беларусаў стаўся для вас асабістым адкрыццём года? Фантастычныя Канаплёў і Лейдзік ды іхны праект «Без ретуши»
10. Ваш улюбёны калядны фільм? Няма такога
11. Каму б вы здаверылі намаляваць сямейны партрэт? З мёртвых – Сяргею Кухту ці Гою, з жывых – Анастасіі Рыдлеўскай, калі б яна пагадзілася
12. Вашая мара на наступны год: Правесці экскурсію па Нацыянальным мастацкім музеі ў Менску
13. Што б вы хацелі пажадаць беларусам у новым годзе? Бяспекі ды радасці
Паглядзець папярэднія адказы можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!
Тэса Анэйда belsat.eu
