З 1 да 25 снежня штодзень адкрывайце новыя цікавінкі пра вядомых беларусаў і беларусак у адвэнт-календары «Белсату».
Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Якая песня найчасцей гучала ў іхных слухаўках? Пра што яны мараць?
Цікава? Тады глядзіце святочную анкету і трымайце добры настрой ужо зараз!
У акенцы № 12 нашага святочнага календара – Уладзімір Пугач, лідар гурта «J:Морс», што сёлета адсвяткаваў 25-годдзе свайго заснавання. Уладзімір пераехаў у Польшчу і стварыў выдавецтва аўдыякніг на беларускай мове «Litaralna». Разам з купалаўцамі бярэ ўдзел як актор і аўтар песень у спектаклі «Зэкамерон» паводле аднайменнай кнігі Максіма Знака.
13 шчырых адказаў Уладзіміра глядзіце ніжэй.
1. Галоўная падзея гэтага года для вас: Нараджэнне пляменніка
2. Апішыце гэты год адным словам: Наперад дробнымі крокамі без сумневаў і страху. Літаральна адным словам – наперад
3. Якім персанажам на Каляды вы б апрануліся? Пакацігарошкам
4. Самы шчаслівы момант 2024 года: Дзень вяселля маёй дачкі
5. А галоўны фэйл: Не паспеў скончыць запіс новага альбому. Чакайце ў 2025-м :)
6. Якая беларуская навіна ўразіла вас больш за ўсё ў гэтым годзе? Ліпеньскі ўраган з загінулымі і 2000 вёсак, што засталіся без электрычнасці
7. З кім з беларусаў вы хацелі б пазнаёміцца? З Сяргеем Пясецкім
8. Якая песня ў вас гучала часцей за ўсё ў гэтым годзе? Паводле статыстыкі «Spotify», «Between Two Points» (David Gilmour і Romany Gilmour)
9. Хто з беларусаў стаўся для вас асабістым адкрыццём года? Купалаўцы Алег Гарбуз ды Сяргей Чуб, з якімі разам зрабілі спектакль «Зэкамерон» паводле кнігі Максіма Знака
10. Ваш улюбёны калядны фільм: «Love actually»
11. Самае прыгожае месца, дзе вам давялося пабываць: Гімалаі
12. Вашая мара на наступны год: Свабоднае і мірнае жыццё на Радзіме
13. Што б вы пажадалі беларусам у новым годзе? Свабоднага ды мірнага жыцця на Радзіме
Паглядзець папярэднія адказы можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!
Тэса Анэйда belsat.eu
