Зрынуты кіраўнік Сірыі Башар Асад прыбыў у Маскву, дзе папрасіў палітычнага прытулку.
Сірыйскі кіраўнік прыбыў у Маскву разам са сваймі сямейнікамі, пра гэта паведаміла ТАСС крыніца ў Крамлі.
Расея, у сваю чаргу, зыходзячы «з меркаванняў гуманітарнага характару», дала ім прытулак.
Разам з тым у ГУР Украіны заявілі, што інфармацыя пра знікненне самалёта Іл-76Т з Башарам Асадам на борце і нібыта пра авіякатастрофу, у якую ён трапіў, была дэзінфармацыяй расейскай выведкі. Такім чынам расейскія спецслужбы спрабавалі схаваць аперацыю выратавання Асада і ягонай сям’і.
Разам з Асадам з Сірыі ўцякалі таксама расейскія камандзіры, для гэтага з Расеі былі скіраваныя дадатковыя караблі, у тым ліку Балтыйскага флоту.
На фоне краху рэжыму Башара Асада Ізраіль здзейсніў авіяўдары па сірыйскім Дамаску – цэллю сталіся будынкі мытнага ўпраўлення і ваеннай выведкі. Акрамя таго, быў атакаваны даследчы цэнтр, што мог выкарыстоўвацца Іранам для распрацоўвання кіраваных ракетаў вялікай далёкасці.
Нагадаем, што 7 снежня войскі сірыйскай апазіцыі абвясцілі пра акружэнне Дамаску. А наступным днём яны захапілі тэлебачанне Сірыі і заявілі пра кантроль над Дамаскам і ўцёкі прэзідэнта Башара аль-Асада. Яны назвалі гэта «канцом эры несправядлівасці». Прэм’ер-міністр краіны заявіў, што гатовы рабіць любыя захады для перадачы ўлады.
Таксама глядзіце ў сюжэце:
Раман Шавель belsat.eu
