Жанчына паслізнулася на прыступках каля дому ў лютым 2024 года, правяла 10 дзён у шпіталі і пастанавіла гэтую справу не пакідаць проста так.
Жанчына, прыпаркаваўшы машыну, ішла да свайго дому на вуліцы Адэскай у Менску, але паслізнулася на прыступках у пад'езд: іх не апрацавалі ад наледзі, паведамляе прэс-служба Менскага гарадскога суда.
Мянчанка з пераломам трапіла ў шпіталь, дзе перанесла аперацыю і правяла 10 дзён, а потым больш за тры месяцы лячылася ў паліклініцы.
Жанчына падала ў суд супраць Таварыства ўласнікаў, што мусіла апрацоўваць прыступкі пад'езду ад лёду. Суд прыняў ейны бок і пастанавіў спагнаць з ТУ больш за 1,9 тысячы рублёў матэрыяльнай і 8 тысячаў рублёў маральнай шкоды, а таксама 1,4 тысячы рублёў на дапамогу прадстаўніка і 40 рублёў за судовыя выдаткі. Усяго каля 11 тысячаў рублёў.ТУ абскардзіў пастанову, але суд пакінуў яе ў сіле.Тэса Анэйда belsat.eu
