З 1 да 25 снежня штодзень адкрывайце новыя цікавінкі пра вядомых беларусаў і беларусак у адвэнт-календары «Белсату».
У акенцы № 9 нашага святочнага календара – журналіст-расследавальнік, сузаснавальнік «Бюро медыя» Аляксандр Ярашэвіч. Дзякуючы расследаванням каманды «Бюро» сталася вядома, як зарабляюць і як абыходзяць санкцыі «гаманцы» Лукашэнкі, куды выдаткоўваюць грошы беларускіх падаткаплатнікаў жонкі «гаманцоў» і шмат пра што іншае.
13 шчырых адказаў Аляксандра глядзіце ніжэй.
1. Галоўная падзея гэтага года для вас: Наш расследавальніцкі праект «Бюро медыя» святкуе першую гадавіну
2. Апішыце гэты год адным словам: Напружаны, але цікавы
3. Якім персанажам на Каляды вы б апрануліся? Шэрлакам Голмзам з біглем на ланцужку :)
4. Самы шчаслівы момант 2024 года: Вызваленне палітвязняў
5. А галоўны фэйл? Здаецца, вялікіх фэйлаў і не было, а дробных хапала, што ўжо і не згадаеш :)
6. Якая беларуская навіна ўразіла вас больш за ўсё ў гэтым годзе? Пра фільтрацыйны лагер расейскіх вайскоўцаў у Беларусі, дзе катавалі людзей
7. З кім з беларусаў вы хацелі б пазнаёміцца? З трымальнікамі багаццяў Лукашэнкі
8. Якая песня ў вас гучала часцей за ўсё ў гэтым годзе? «Квант» (Петля Пристрастия), «Не печалуйся» (Света Бень і Галя Чыкіс)
9. Хто з беларусаў стаўся для вас асабістым адкрыццём года? Мае сябры і калегі
10. Ваш улюбёны калядны фільм: «Дрэнны Санта»
11. Першае, што вы б зрабілі па вяртанні ў Беларусь: Абняў бы блізкіх
12. Вашая мара на наступны год: Каб усе палітвязні нарэшце выйшлі на волю
13. Што б вы хацелі пажадаць беларусам у новым годзе? Жыць у свабоднай і дэмакратычнай краіне
Паглядзець папярэднія адказы можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!
Тэса Анэйда belsat.eu
