У знакамітай савецкай камедыі, якую звычайна глядзяць у навагоднія святы, вядомую актрысу прапанавалі замяніць Лізаветай Баярскай.
Афіцыйны прадстаўнік Федэральнага праекту бяспекі і барацьбы з карупцыяй Расеі Алена Крайт выступіла з такой ініцыятывай, сцвярджае «Shot».
Нагодай, як піша пракрамлёўскі канал, стаўся выраз «Слава Украіне!» на спектаклі ў Лос-Анджэлесе, якую сказала 86-гадовая артыстка.
Кіраўнік Федэральнага праекту Віталій Барадзін растлумачыў, што пасля такога адкрытага падтрымання ЗСУ глядзець на акторку ў культавай навагодняй камедыі прынамсі непрыемна, асабліва сваякам або знаёмым тых, хто ваюе на баку Расеі.
Вядома, што яшчэ летась Галоўнае ўпраўленне МУС РФ па Маскве пачало правяранне ў дачыненні артысткі ў справе аб дыскрэдытацыі Узброеных сілаў РФ за тое, што Ахеджакава дэманстравала ўкраінскі сцяг на спектаклях.
Надзея Вольная belsat.eu
