У Беларусі ўнеслі змены ў работу мабільных датчыкаў кантролю хуткасці. Цяпер у тым ліку ДАІ мае права мяняць месца ўстаноўкі датчыка кантролю хуткасці.
Як паведамляе telegram-канал ДАІ Брэсцкай вобласці, з пачатку снежня побач з дарожным знакам «Кантроль дазволенай хуткасці руху транспартавых сродкаў» пачалі ставіць таблічку «Зона дзеяння».
Пры гэтым адлегласць, указаная на таблічцы, можа вагацца ад 300 м да 1,5 км – у залежнасці ад умоваў руху і месца ўстаноўкі датчыка.
Паведамляецца, што ў зоне дзеяння дарожнага знака з таблічкай ДАІ мае права мяняць месца ўстаноўкі датчыка.
Надзея Вольная, belsat.eu
