«Белсат» падрыхтаваў адвэнт-каляндар, і з 1 да 25 снежня штодзень вы зможаце адкрываць новыя цікавінкі пра вядомых беларусаў і беларусак.
Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Які галоўны шчаслівы момант і фэйл здарыўся з імі?
Цікава? Тады глядзіце святочную анкету і майце добры настрой ужо цяпер!
№ 5 у нашым святочным календары – Аляксандр Івулін. Беларускі спартовы журналіст, футбаліст, блогер і вядоўца каналу «ЧестнОК-LIVE». Адбыў два гады зняволення ў калоніі паводле палітычна матываванага прысуду, пасля вызвалення ў 2023 годзе з’ехаў жыць у Польшчу.
13 шчырых адказаў Аляксандра глядзіце ніжэй.
1. Галоўная падзея гэтага года для вас. Фінал «Еўра» на беларускай мове. Толькі ўявіце: мы сабралі ў Варшаве 350+ чалавек на футбол па-беларуску!
2. Апішыце гэты год адным словам. Трансфармацыя
3. Якім персанажам на Каляды вы б апрануліся? Медзведзянём Пэдынгтанам
4. Самы шчаслівы момант 2024 года. Амаль тры тыдні ў Канадзе, куды паклікалі беларусы
5. А галоўны фэйл? На роўным месцы пашкодзіў крыжападобную звязку калена
6. Якая беларуская навіна ўразіла вас больш за ўсё ў гэтым годзе? Фота Марыі Калеснікавай з турмы
7. З кім з беларусаў вы хацелі б пазнаёміцца? Слава Камісаранка, Мікіта Мікада, Макс Корж
8. Якая песня ў вас гучала часцей за ўсё ў гэтым годзе? «Светлая полоса» (Noize MC)
9. Хто з беларусаў стаў для вас асабістым адкрыццём года? Іра Прыходзька
10. Ваш улюбёны калядны фільм. Мультфільм «Клаўс»
11. Тры рэчы, якія вы б узялі на ненаселены востраў. Кніга Караткевіча «Каласы пад сярпом тваім», утульны плед, зубная шчотка
12. Вашая мара на наступны год. Зганяць у Вялікую Брытанію
13. Што б вы хацелі пажадаць беларусам у новым годзе? Захаваць сябе і адэкватнасць.
Паглядзець адказы папярэдніх герояў можна тут, а заўтра вас ізноў чакае новае акенца адвэнт-календара і новы герой. Не пераключайцеся!
Тэса Анэйда belsat.eu
