навіны

«BELPOL» пракаментаваў сакрэтныя звесткі Мінздароўя пра нараджальнасць у Беларусі

Ілюстрацыйны здымак.
Ілюстрацыйны здымак. Фота: Bildagentur-online / Tips / picture alliance
podpis źródła zdjęcia

Уладзімір Жыгар, прадстаўнік арганізацыі былых беларускіх сілавікоў «BELPOL» пракаментаваў «Белсату» непублічныя справаздачы Міністэрства аховы здароўя адносна нараджальнасці ў Беларусі, аналіз якіх быў апублікаваны на Zerkalo.io.

Нагадаем, са справаздачаў Міністэрства аховы здароўя, якія аказаліся ў распараджэнні «BELPOL», вынікае, што на працягу апошніх гадоў у Беларусі істотна ўпала нараджальнасць.


Паводле Уладзіміра Жыгара, беларускія ўлады таксама незадаволеныя сітуацыяй, аднак спрабуюць яе замаскаваць, прадставіць, як натуральны працэс для Беларусі.

,,

«Аднак у іх усё роўна праскокваюць агаворкі, што ў доўгатэрміновай перспектыве гэта будзе выклікаць яшчэ большыя праблемы – тое, што цяпер сітуацыя пагаршаецца, і што няма механізмаў яе паляпшэння», – зазначае прадстаўнік «BELPOL».


У былых сілавікоў атрымліваецца здабываць такую непублічную інфармацыю, бо «BELPOL карыстаецца даверам і аўтарытэтам у беларусаў і ўнутры Беларусі», кажа Жыгар:


«Людзі, якія нам перадаюць інфармацыю, як правіла, робяць гэта дзеля таго, каб гэтая сакрэтная інфармацыя, якую рэжым не паказвае простым беларусам, стала здабыткам грамадскасці, каб незалежныя дэмакратычныя СМІ асвятлялі дадзеныя, якія знаходзяцца ў гэтых дакументах, і падымалі гэтыя праблемныя пытанні, надавалі ім больш галоснасці».


Спадар Уладзімір зазначае, што чым больш такая схаваная інфармацыя асвятляецца, тым часцей яна трапляе да «BELPOL», бо людзі бачаць, што пасля яе публікацыі рэжыму нічога не застаецца, як казаць тое самае, называць тыя ж самыя лічбы.

,,

«То бок, такім чынам мы ўсе разам, кансалідавана прымушаем рэжым казаць праўду нават тады, калі ён вельмі не хоча гэтага рабіць», – зазначае Жыгар.


З атрыманай гэтым разам «BELPOL» статыстыкі вынікае, што нараджальнасць у Беларусі падае цягам некалькіх гадоў запар. У 2020 годзе ў нашай краіне пабачылі свет 82 022 дзіцяці, што на 6,4% менш, чым годам раней. У 2021 годзе нарадзілася 76 151 дзіця – гэта ўжо мінус 7,2%, а ў 2022 годзе яшчэ мінус 11,5% – 67 396 дзяцей.


У справаздачы Мінздароўя за 2023 год не ўказаная колькасць дзяцей, якія нарадзілася, але ёсць лічба родаў – 64 089 (на 8% менш, чым у 2022 годзе).
Агулам, з 2021 года колькасць нованароджаных дзяцей і паказальнік нараджальнасці сталі рэкордна нізкімі за ўсю гісторыю статыстычных справаздачаў у Беларусі – з 1950 года.

Таксама глядзіце ў сюжэце:


Марыя Міхалевіч belsat.eu

больш па гэтай тэме Глядзіце больш
Item 1 of 4
апошнія
Item 1 of 10