«Белсат» падрыхтаваў адвэнт-каляндар, і з 1 да 25 снежня штодзень вы зможаце адкрываць новыя цікавінкі пра вядомых беларусаў і беларусак.
Нагадваем, кожнага з іх чакае тузін традыцыйных пытанняў і адно пытанне-неспадзяванка. Кім бы хацелі апрануцца на святы нашыя госці? Які галоўны шчаслівы момант і фэйл здарыўся з імі?
Цікава? Тады глядзіце святочную анкету і трымайце добры настрой ужо цяпер!
№ 4 у нашым святочным календары – Настасся Рыдлеўская. Спявачка, мастачка і гераіня дакументальнага фільму «Дзённік Анастасіі». Дзяўчына пераехала з Беларусі ў Польшчу, дзе ў 2023 годзе запісала два музычныя альбомы.
13 шчырых адказаў Настассі глядзіце ніжэй.
1. Галоўная падзея гэтага года для вас? Я пачала выступаць!
2. Апішыце 2024 год адным словам. Нечаканы.
3. Якім персанажам на Каляды вы апрануліся б? Казою.
4. Самы шчаслівы момант 2024 года? Выступ у французскім Нанце на «Stereolux» разам з Ягорам Забелавым і «Dlina Volny».
5. А галоўны фэйл? Хварэла ледзь не кожны месяц.
6. Якая беларуская навіна ўразіла вас больш за ўсё ў гэтым годзе? Праблемы беларусаў з ДНЖ у Літве – гэта жэсць.
7. З кім з беларусаў вы хацелі б пазнаёміцца? Emil Zenko.
8. Якая песня ў вас гучала часцей за ўсё ў гэтым годзе? «Fountaines DC» – «Starburster».
9. Хто з беларусаў стаў для вас асабістым адкрыццём года? Саша Kornej і Ілля Trince. Так пашанцавала, што цяпер яны мая добрая музычная каманда.
10. Ваш любімы калядны фільм? «Кашмар перад Калядамі».
11. Вашая мара на наступны год? Дарабіць і выпусціць круты альбом.
12. Вашая самая дзіўная прапанова ў гэтым годзе? Выступіць! Тады я яшчэ была ўпэўненая, што ніколі ў жыцці гэтага рабіць не буду праз страх.
13. Што б вы пазычылі беларусам у новым годзе? Радасці кожны дзень і моцы!
Паглядзець папярэднія адказы можна тут, а заўтра вас ізноў чакае новае акенца адвэнт-календара і новы герой. Не пераключайцеся!
Тэса Анэйда belsat.eu
