У Бабруйскай папраўчай калоніі №2 з 1 снежня сваякам асуджаных, якія прыязджаюць на працяглыя спатканні, забаронена пакідаць тэрыторыю пенітэнцыярнай установы да канца сустрэчы, піша тэлеграм-канал MAYDAY.TEAM.
Такое рашэнне адміністрацыя калоніі нібыта прыняла пасля канфлікту са сваякамі аднаго з вязняў.
Цяпер на працяглых спатканнях, якія цягнуцца ад аднаго да трох дзён, у спецыльяных гасцінічных пакоях змогуць знаходзіцца да трох чалавек. Напрыклад, жонка і бацькі асуджанага.
Калі раней у першы дзень спаткання бацькі ці дзеці асуджанага маглі выйсці ўвечары і паехаць дамоў, то цяпер усе разам будуць закрытыя ў пакоі на ўвесь час спаткання.
Марыя Міхалевіч belsat.eu
