Стаміліся ад дрэнных навінаў кожную раніцу? Вось вам крыху святочнай магіі! «Белсат» падрыхтаваў калядны адвэнт-каляндар, і з 1 снежня вы зможаце штодзень адкрываць новыя цікавінкі пра вядомых беларусаў і беларусак.
Кожнага з іх чакае тузін традыцыйных пытанняў і адно пытанне-«неспадзяванка». Кім бы хацелі апрануцца на святы нашыя госці? Якія песні ў гэтым годзе гучалі ў іх найчасцей? Які галоўны фэйлы здарыўся з імі?
Цікава? Тады глядзіце святочную анкету і трымайце добры настрой ужо зараз!
№ 2 у нашым святочным календары – блогер Мікіта Мелказёраў, які вядзе YouTube-каналы для беларусаў «Жыццё-маліна» і «Загляне сонца».
13 шчырых адказаў Мікіты глядзіце ніжэй:
1. Галоўная падзея гэтага года для вас: Набыццё сабачкі
2. Апішыце гэты год адным словам: Уффф
3. Якім персанажам на Каляды вы б апрануліся? Дэдпул ці Тотара*
4. Самы шчаслівы момант 2024 года? Знянацку арганізаваная паездка ў Інсбрук*
5. А галоўны фэйл: Тры запар адмовы на грантавыя заяўкі
6. Якая беларуская навіна ўразіла вас больш за ўсё ў гэтым годзе? Затрыманне Верамейчыка ў В’етнаме
7. З кім з беларусаў вы яшчэ не знаёмыя, але вельмі хацелі б пазнаёміцца? Са Святланай Алексіевіч*
8. Якая песня ў вас гучала часцей за ўсё ў гэтым годзе? «Twenty One Pilots» – «Overcompensate»
9. Хто з беларусаў зрабіўся для вас асабістым адкрыццём года? Сяргей Шупа і Ігар Маханёк*
10. Ваш любімы калядны фільм? «Love Actually»
11. Самая дарагая рэч, што вы сабе набылі: Сабачка, асвяжальнік і ўвільгатняльнік паветра, што яму прапісаў ветэрынар
12. Вашая мара на наступны год: Зарабіць грошай на асістэнта
13. Што б вы хацелі пажадаць беларусам у новым годзе? Пазітыўнага мыслення, бо інакш каюк
*Інсбрук – гарналыжны курорт у аўстрыйскіх Альпах.
* Дэдпул – супергерой «Marvel», Тотара – лясны дух з мультфільму «Мой сусед Тотара» Хаяо Міядзакі.
* Святлана Алексіевіч – беларуская пісьменніца і лаўрэатка Нобэлеўскай прэміі ў галіне літаратуры 2015 года.
*Сяргей Шупа – перакладчык, журналіст і грамадскі дзеяч; Ігар Маханёк – беларускі IT-прадпрымальнік і інвестар, адзін з заснавальнікаў «PandaDoc» і «Geek Ventures».
Паглядзець папярэднія анкеты можна тут, а заўтра вас ізноў чакаюць новае акенца адвэнт-календара і новы герой. Не пераключайцеся!
Тэса Анэйда belsat.eu
