Ля парламента ў Грузіі чарговы раз сабраліся пратэстоўцы на антыўрадавую дэманстрацыю. Бліжэй да ночы 29 лістапада іх разганяюць вадамётамі, паведамляе «Эхо Кавказа». Ёсць пацярпелыя.
Людзі сабраліся ў цэнтры Тбілісі пасля таго, як кіроўная партыя «Грузінская мара» заявіла аб прыпыненні еўраінтэграцыі да 2028 года.
Амаль адразу СМІ паведамілі, што сілавікі рыхтуюцца да падаўлення пратэстаў. У выніку сілавікі ўжываюць вадамёты ў тых месцах, дзе найбольшая колькасць пратэстоўцаў.
Людзі спрабавалі знесці агароджу ля бакавога ўваходу ў парламент, аднак іх адціснулі.
Паліцыя дзейнічае жорстка. Ёсць паведамленні аб тым, што членаў здымачнай групы тэлекампаніі «Пирвели» збілі, пацярпела журналістка Марыям Гапрындашвілі.
На пратэстах мінулай ноччу таксама былі пацярпелыя, у тым ліку журналісты.
Арсен Рудэнка belsat.eu
