Пачатковы кошт веткі – больш за 847 тыс. рублёў, самалёта – 1,5 млн долараў. Ахвочых узяць удзел пакуль не знайшлося.
17 снежня мае адбыцца аўкцыён, дзе паспрабуюць прадаць чыгуначную ветку 700 кв. м вузла Менск-Калядзічы, што належыць гандлёваму ўнітарнаму прадпрыемству «Белкаапзнешгандаль Белкаапсаюзу». Год таму яно ўступіла ў стадыю банкруцтва.
Для ўдзелу ў таргах ТАА «ІПМ-Кансалт ацэнка» трэба пакінуць задатак у памеры 84,7 тысячы рублёў. У выпадку куплі неабходна сплаціць яшчэ 255 рублёў і 6 % ад куплі арганізатару таргоў.
Дарэчы, на гэтай жа пляцоўцы 20 снежня прадаюць яшчэ і былы ва ўжыванні самалёт Іл-76ТД за 1,75 млн долараў. Яго выпусцілі ў далёкім 1986 годзе, і прадаецца ён без рухавікоў. Прыкладна за гэтыя ж грошы можна купіць 10-гадовы дзейны чатарохмясцовы самалёт «Cessna Mustang» або «Embraer Phenom» 2011 года.
Акрамя кошту лоту, пераможца аплачвае яшчэ 0,14 % ад продажу – гэта ўзнагарода арганізатару таргоў. Аўкцыён адбудзецца 20 снежня, ахвочых узяць удзел пакуль таксама не бачна.
Тэса Анэйда belsat.eu
