Дзве беларускія альпіністкі, сёстры Валянціна і Марыя Іванковы, якія зніклі без вестак у турэцкіх гарах Аладаглар (Антытаўр), былі знойдзеныя ў правінцыі Кайсэры.
Абедзве альпіністкі ў добрым стане, паведамляе «Niğde Anadolu» са спасылкай на мясцовага губернатара.
Сясцёр знайшлі 20 лістапада каля 16:50.
Пра знікненне беларусак сталася вядома ўдзень 19 лістапада. Дзяўчаты прыбылі ў Анкару 15 лістапада, каб заняцца альпінізмам, але з 18 лістапада, калі яны павінны былі вярнуцца ў турэцкую сталіцу, ад іх не паступіла ніякіх вестак.
20 лістапада да пошукаў далучыўся пілатаваны выведны самалёт, які вылецеў з Анкары.
Якуб Хруст belsat.eu
