Труп салдата тэрміновай службы знайшлі на тэрыторыі памежнай заставы «Церабунь» у Берасцейскім раёне раніцаю 18 лістапада.
Берасцейская памежная група сцвярджае, што ёсць прыкметы суіцыду. Прычыны здарэння высвятляюцца.
Шараговец 2002 года нараджэння быў прызваны ў красавіку 2024-га і праходзіў службу. На месцы здарэння працуе следча-аператыўная група.
Гэта не першы выпадак смерці салдата за апошнія месяцы. 3 ліпеня ў 19-й асобнай гвардзейскай механізаванай брыгадзе ў вёсцы Заслонава Лепельскага раёну Віцебскай вобласці пры нявысветленых абставінах загінуў 19-гадовы Мацвей Канавалаў з Хойнікаў.
10 жніўня на ўчастку памежнай заставы знайшлі цела вайскоўца таксама, як сцвярджае Дзяржаўны памежны камітэт, з прыкметамі суіцыду.
Арсен Рудэнка belsat.eu
