У Беларусі пачаў дзеяць абноўлены спіс відаў дзейнасці, дазволеных для ІП і самазанятых. Паводле тых відаў, што не трапілі ў спіс, рэгістрацыя ў якасці ІП з кастрычніка забароненая. Тыя, хто ўжо мае статус ІП, мусяць перааформіць дакументы як юрыдычныя асобы.
У Міністэрстве эканомікі мяркуюць, што змены закрануць каля 20 тысяч ІП. Як паведаміў БелТА міністр эканомікі Юрый Чабатар, больш за 400 індывідуальных прадпрымальнікаў з 1 кастрычніка ўжо перарэгістраваліся ў юрыдычныя асобы.
«Як мы і задумвалі, больш за палову – гэта тыя, хто сёння заняты ў сферах гандлю, як раздробнага, так і агулавага, а таксама ў сферы грузавога, грамадскага транспарту і ў сферы грамадскага харчавання», – распавёў міністр эканомікі.
Апошні тэрмін перарэгістрацыі – 1 студзеня 2026 года.
Надзея Вольная belsat.eu
