З 1 студзеня 2025 года візавы цэнтр «TLScontact» у Менску спыніць апрацоўваць заявы на візу ў Вялікую Брытанію.
Як паведамляецца на сайце цэнтру, гэтыя функцыі перададуць кампаніі «VFS Global».
Ужо з 4 снежня кліенты больш не змогуць карыстацца сваімі онлайн-акаўнтамі на платформе «TLScontact», паколькі пачнецца пераход да сістэмы «VFS Global» (месціцца па адрасе ў Менску: вул. Бабруйская, 6).
Для тых, хто запісаўся на прыём да 4 снежня, змяненняў няма – сустрэчы адбудуцца, як запланавана. Аднак, калі рашэнне адносна заяўкі не будзе прынятае да закрыцця цэнтру, усе дакументы бяспечна перададуць у «VFS Global», які паведаміць пра гатовасць праязнога дакументу.
Паслуга экспрэс-дастаўкі кур'ерам праз «TLScontact» ужо не даступная.
Кампанія «VFS Global» ёсць таксама афіцыйным партнёрам амбасады Рэспублікі Польшча ў Рэспубліцы Беларусь.
Раман Шавель belsat.eu
