На абласных «Дажынках» у Клімавічах 16 лістапада Аляксандр Лукашэнка заявіў, што ў Беларусі больше не будзе «бамжоў і дармаедаў» і што ўсе павінны «варушыцца».
Лукашэнка зазначыў перад прысутнымі на аграрным свяце, што ў чалавека разам з заробкам мусяць расці матывацыя і кваліфікацыя, а тым, хто не хоча працаваць, як лепшыя, трэба рыхтавацца.
,,«Рыхтуйцеся. Бамжоў, дармаедаў у краіне не будзе. Усе павінны варушыцца, працаваць, зарабляць на сябе і сваю сям’ю. Мы дапаможам, прадставім працоўнае месца, толькі ідзіце працаваць. Тыя, хто перашкаджае людзям жыць, мы з вамі будзем сур’ёзна разбірацца. Не крыўдуйце», – папярэдзіў кіраўнік Беларусі.
Што на гэты раз улады прыдумалі для «барацьбы з дармаедамі», не ўдакладняецца. Раней чыноўнікі анансавалі чарговыя абмежаванні для тых, хто не задзейнічаны ў беларускай эканоміцы і працуе за мяжой. У прыватнасці, гаворка ішла пра дальнабойнікаў.
На дадзены момант беларусы, якія знаходзяцца ў базе «дармаедаў», і маюць ва ўласнасці жытло, аплочваюць ацяпленне, падагрэў вады і газ паводле поўных тарыфаў. Акрамя таго, яшчэ два гады таму пачаліся размовы пра тое, каб абмежаваць для «дармаедаў» і для беларусаў, якія жывуць за мяжой, доступ да бясплатнай медыцыны.
Марыя Міхалевіч belsat.eu
