У Беларусі сайт «Письмо.бел», створаны для дасылання лістоў людзям, якія цяпер ў зняволенні, быў прызнаны «экстрэмісцкім».
Такую пастанову 12 лістапада прыняў суд Партызанскага раёну Менску, піша праваабарончы цэнтр «Вясна».
«Экстрэмісцкімі» былі прызнаныя таксама старонкі сэрвісу ў сацыяльных сетках.
Сайт «Письмо.бел» быў створаны для дасылання лістоў зняволеным, для чаго не абавязкова было прыходзіць на пошту. Гэта можна было зрабіць у онлайн-фармаце з любога пункту свету.
Нагадаем, што 8 снежня 2023 года сталася вядома пра затрыманне супрацоўнікаў сэрвісу Ігара Вугліка і Аляксандра Лыкшына паводле падазрэння ва ўдзеле ў пратэстах 2020 года.
Пры гэтым сайт быў афіцыйна зарэгістраванай арганізацыяй, што супрацоўнічала з «Белпоштаю». Нягледзячы на затрыманне работнікаў, сэрвіс тады працягнуў працу.
Раман Шавель belsat.eu
