Чаго чакаюць ад Марыі Калеснікавай?

Эксперты трэці дзень выказваюць самыя розныя здагадкі наконт спаткання палітзняволенай Марыі Калеснікавай з бацькам. Уласна, нават не столькі наконт самога факту гэтай сустрэчы (хаця ён, несумненна, вельмі важны, калі ўлічыць, што ад Марыі даўно не было ніякіх вестак), колькі таго, як гэтае спатканне паднеслі шырокай публіцы. Фота дачкі і бацькі было размешчанае на старонцы таго самага Рамана Пратасевіча, які зрабіўся правадніком дзяржпрапаганды. Галоўныя пытанні: з якой мэтай грамадскасці паказалі Марыю і чаму менавіта яе? Палітвязняў, з якімі даўно страчаная сувязь, сотні і сотні. І сярод іх ёсць вядомыя лідары партыяў і прафсаюзаў.