Беларускія футбалісты Віталь Лісаковіч, Валерый Бачароў і Павел Савіцкі не атрымалі візаў. Яны не змогуць удзельнічаць у матчы Лігі нацыяў УЕФА ў Паўночнай Ірландыі.
Матч зборных Беларусі і Паўночнай Ірландыі ў рамках Лігі нацыяў прызначаны на 15 лістапада. А 18-га беларускія футбалісты будуць гуляць са зборнай Балгарыі.
Пытанне з візамі для беларускіх спартоўцаў было надзвычай важным. Вялікая Брытанія, ад якой залежыць выдача візаў, увяла санкцыі супраць рэжыму Аляксандра Лукашэнкі за падтрыманне расейскай агрэсіі.
«Не далі яе, што я тут магу зрабіць? Усім хлопцам далі, акрамя нас траіх. Бывае», – цытуе словы Віталя Лісаковіча дзяржаўны тэлеканал «Беларусь 5».
Дарэчы, напярэдадні галоўны трэнер зборнай Карлас Алёс выклікаў Савіцкага на лістападаўскі збор нацыянальнай каманды. Выглядае, што дапамагчы зборнай Савіцкі зможа толькі ў Балгарыі.
Надзея Вольная belsat.eu
