Прэзідэнт Польшчы Анджэй Дуда ўзнагародзіў былую дырэктарку тэлеканалу «Белсат» Агнешку Рамашэўскую-Гузы крыжам ордэну Адраджэння Польшчы «за ўнёсак у развіццё незалежнай журналістыкі і свабодных медыяў».
11 лістапада з нагоды Дня Незалежнасці Польшчы прэзідэнт краіны Анджэй Дуда ўручыў дзяржаўныя ўзнагароды асобам, якія вызначыліся перад дзяржавай і грамадствам.
Сярод узнагароджаных – былая дырэктарка «Белсату» Агнешка Рамашэўская-Гузы. З рук прэзідэнта Польшчы яна атрымала крыж афіцэрскага ордэну Адраджэння Польшчы.
Як адзначаецца ў паведамленні на сайце прэзідэнта Польшчы, гэтую ўзнагароду Агнешка Рамашэўская-Гузы атрымала «за выдатны ўнёсак у развіццё незалежнай журналістыкі і свабодных медыяў, за дасягненні ў прасоўванні дэмакратычных каштоўнасцяў і ўклад у пабудову грамадзянскай супольнасці».
Агнешка Рамашэўская-Гузы – сузаснавальніца і першая дырэктарка «Белсату», якая ўзначальвала канал ад моманту стварэння да сакавіка 2024 года, агулам – больш за 18 гадоў.
Таксама глядзіце ў сюжэце:
Раман Шавель belsat.eu
