навіны

На Берасцейшчыне скончылі рэстаўрацыю капліцы Ажэшкаў

Капліца-пахавальня ў Закозелі
Капліца-пахавальня роду Ажэшкаў у аграгарадку Закозель пасля рэстаўрацыі. Фота: сацыяльныя сеткі
podpis źródła zdjęcia

У сацыяльных сетках з’явіліся фотаздымкі капліцы роду Ажэшкаў у Закозелі ў Берасцейскай вобласці пасля таго, як былі знятыя будаўнічыя лясы. Архітэктурны помнік некалькі гадоў рэстаўравалі. Паглядзіце, які атрымаўся вынік.

Капліца-пахавальня роду Ажэшкаў – помнік архітэктуры рэтраспектыўна-гатычнага стылю. Месціцца ў аграгарадку Закозель Драгічынскага раёну Берасцейскай вобласці. Капліца была пабудаваная ў 1849 годзе паводле праекту польскага архітэктара Францыска Яшчальда як сямейная пахавальня роду Ажэшкаў і наступных уласнікаў сядзібы: Бабрынскіх, Талочкаў.

Так выглядала капліца ў Закозелі да рэстаўрацыі. Фота: metravel.by
Так выглядала капліца ў Закозелі да рэстаўрацыі. Фота: metravel.by

Ёсць легенда, паводле якой пасля задушэння паўстання 1863–1864 гадоў у высокім шпілі капліцы схаваўся кіраўнік Кобрынскага паўстанцкага атраду Рамуальд Траўгут. Гэтае сховішча яму прапанавала Эліза Ажэшка, якая пазней таксама дапамагла яму перабрацца ў Польшчу.

Капліца-пахавальня роду Ажэшкаў у Закозелі пасля рэстаўрацыі. Фота: сацыяльныя сеткі
Капліца-пахавальня роду Ажэшкаў у Закозелі пасля рэстаўрацыі. Фота: сацыяльныя сеткі

Капліца шмат дзесяцігоддзяў прастаяла закінутай. У 2008 годзе каля яе праводзіліся археалагічныя раскопкі, падчас якіх былі знойдзеныя парэшткі прадстаўнікоў роду Ажэшкаў, фрагменты слуцкага поясу, рэшткі бронзавых трунаў і вопраткі пахаваных.


У 2019 годзе капліцу пачалі рамантаваць, каб не дапусціць далейшага разбурэння.


Марыя Міхалевіч belsat.eu

больш па гэтай тэме

Глядзіце больш
Item 1 of 4

апошнія

Item 1 of 10