Жыхары Беларусі могуць не ўбачыць па агульнадаступным тэлебачанні трансляцыю матчу асноўнага раўнда Лігі канферэнцый УЕФА паміж «Легіяй» і менскім «Дынама».
Гульня прызначаная на 7 лістапада і пройдзе ў Варшаве. Правамі на паказ матчаў агульнага этапу Лігі канферэнцыі на тэрыторыі Беларусі валодае тэлеканал СТБ. Ён ужо трансляваў папярэднія матчы «Дынама» ў гэтым турніры – супраць «Хартса» (1:2) і «ХІКа» (0:1).
Аднак, як адзначае тэлеграм-канал «Спорт Беларусі», матч «Дынама» з «Легіяй» адсутнічае ў праграме тэлеперадач СТВ на 7 лістапада. У сетцы тэлевяшчання ў гэты час значыцца серыял «Неўскі. Праверка на трываласць».
Раней паведамлялася, што на матчы ў Варшаве чакаецца аншлаг. Пры гэтым у «Дынама» адмовіліся ад арганізацыі гасцявога сектара для сваіх заўзятараў на выязных гульнях Лігі канферэнцый.
Надзея Вольная belsat.eu
