навіны

Польская пракуратура закрыла справу пра напад футбольных фанатаў на беларускага трэнера

Аляксандр Хацкевіч
Аляксандр Хацкевіч. Фота: Pbs.twimg.com
podpis źródła zdjęcia

Польскія праваахоўнікі так і не змаглі знайсці нападнікаў на беларускага трэнера Аляксандра Хацкевіча – справу закрылі.

У сакавіку гэтага года група хуліганаў уварвалася на трэніроўку польскага футбольнага клубу «Заглэмбе Сасновец» і нібыта пабіла трэнера клубу - беларуса Аляксандра Хацкевіча. Нападнікі крычалі, каб ён ехаў назад у Беларусь. Канфлікт удалося суцішыць пасля ўмяшання іншых чальцоў каманды.


Дарэчы, агент Хацкевіча Вадзім Шаблій пасля здарэння расказаў, што трэнера не білі, а «былі толькі спробы і пагрозы на ягоны адрас з боку незразумелых людзей, хуліганаў».


Каманда на той час займала апошняе месца ў другім дывізіёне Польшчы.


Сам Хацкевіч пасля нападу гаварыў, што не збіраўся падаваць заяву наконт гэтага інцыдэнта, але крымінальная паліцыя настояла на напісанні заявы, каб пачаць расследаванне.


«Мы атрымалі ліст ад пракуратуры, што нікога не ўдалося знайсці і справа закрытая. Я не здзіўлены. У Польшчы ёсць сістэма правасуддзя, паліцыя, пракуратура, суд, спадзяюся, што рашэнне прынялі кампетэнтныя людзі», цытуе ONET словы былога спартовага дырэктара клуба Міхаіла Залеўскага.


На наступны дзень Хацкевіч і Залеўскі пакінулі клуб «Заглэмбе». У выніку каманда вылецела з другога дывізіёна.


Надзея Вольная belsat.eu

больш па гэтай тэме Глядзіце больш
Item 1 of 4
апошнія
Item 1 of 10