Мы правялі гамонку з музыкам Пітам Паўлавым пра адметнасць і прывычкі здаровых беларусаў. Які просты жэст дастаткова зрабіць, каб усе ведалі, што ты беларус, а не расеец? Якое адно практыкаванне можа закрыць усе патрэбы ў фізічнай актыўнасці?
Піт Паўлаў – беларускі музыка, удзельнік гуртоў «Мроя», «N.R.M.», «Kriwi», «Pete-Paff», «Garadzkija» і «Pit Pawlaw».
Піт знаецца на спорце – ён займаўся барацьбой і служыў у паветрана-дэсантных войсках. Ён апавёў пра падставы здаровага ладу жыцця. Напрыклад, паказаў папулярную сярод гульцоў у ножны шпурляк расцяжку, «баксёрскі понт» і пахваліўся сваім дасягненнем – «выхадам сілаю» на турніку.
Піт, як і герой спектаклю «Замова», успамінае, як у сям’і перадавалася родная мова з пакалення ў пакаленне:
,,«Дзеда я бачыў аднойчы ў жыцці. Але мая мама з дзяцінства мне спявала калыханкі і апавядала казкі. І калі яна гэта рабіла, змянялася ўсё – змянялася інтанацыя, змянялася становішча ейнай гартані, змянялася проста ўсё. І з’яўляўся гук, які, як я цяпер разумею, называецца беларускаю моваю. Калі яна проста размаўляла голасам майго дзеда Андрэя, свайго таты. Яна расказвала тыя байкі, тыя казкі і тыя самыя прымаўкі, якія ён прамаўляў», – апавядае музыка.
Таксама Піт згадаў, як у Крыме ў летніку зразумеў адметнасць беларусаў. Праўда, яе не адразу відаць, асабліва замежнікам, якія, пачуўшы расейскую мову, думаюць, што перад імі расейцы.
У канцы праграмы Піт выканаў акустычную версію песні «На далоні» з альбому «Д.П.Б.Ч.» (2013) гурта «N.R.M.».
У граматычнай частцы Віктар Шукеловіч апавёў, што значыць сакатаць, зюзюкаць і дудукаць.
Летась Піт Паўлаў даў канцэрт для ваяроў палка Каліноўскага. Пра ягонае падарожжа да беларускіх добраахвотнікаў Сяргей Пеляса зрабіў рэпартаж:
- Дзеяслоў – па-расейску: глагол
- Назоўнік – па-расейску: существительное
- Прыметнік – па-расейску: прилагательное
- Лічэбнік – па-расейску: числительное
- Трымаць – па-расейску: держать
- Практыкаванне – па-расейску: упражнение
- Мэта – па-расейску: цель
- Не нашкодзіць – па-расейску: не навредить
- Высілак – па-расейску: усилие
- Пэўнасць – па-расейску: уверенность
- Дакладнае веданне – па-расейску: точное знание
- Крышачку = трошкі
- Наступны крок – па-расейску: следующий шаг
- Своечасова – па-расейску: своевременно
- Штодзённы ўжытак – па-расейску: ежедневный обиход
- Шпацыр = прагулка
- Складнік = кампанент
- Істотны = важны
- Падмурак = фундамент
- Цягліцы = мышцы
- Зэдлік = скамеечка
- Раўнавага – па-расейску: равновесие
- Досыць – па-расейску: достаточно
- Кавалерка (польск.) = невялікая кватэра
- Барацьбіт = барэц
- Звычайна – па-расейску: обычно
- Рух – па-расейску: движение
- Дасягненне – па-расейску: достижение
- Адцісканне – па-расейску: отжимание
- Падтрымліваць – па-расейску: поддерживать
- Параіць – па-расейску: посоветовать
- Выпадак – па-расейску: случай
- Творчасць – па-расейску: творчество
- Надзвычайны – па-расейску: чрезвычайный
- Аднойчы ў жыцці – па-расейску: раз в жизни
- Апавядаць = расказывать
- Калыханка – па-расейску: колыбельная
- Прымаўка – па-расейску: пословица
- Відавочна – па-расейску: очевидно
- Знайсці сякерку пад лаўкай = адкрыць нешта відавочнае
- Адметнасць – па-расейску: особенность
- Усвядоміць – па-расейску: осознать
- Суцэльны = поўны
- Бойка – па-расейску: драка
- Уплывовы – па-расейску: влиятельный
- Гурт = музычная група
- Фэст = фестываль, свята
- Такога ўзроўню прапанова – па-расейску: такого уровня предложение
- З пункту гледжання – па-расейску: с точки зрение
- Закратаваны = пасаджаны ў клетку
- Перашкаджаць пошукам – па-расейску: мешать поискам
- Знішчаны – па-расейску: уничтожен
- Апошняя спроба – па-расейску: последняя попытка
- Парада – па-расейску: совет
- Заахвочванне – па-расейску: поощрение
- Падштурхнуць – па-расейску: подтолкнуть
- Адсотак = працэнт
- Захавацца – па-расейску: сохраниться
- Сутнасць – па-расейску: сущность
- Прыдатны = які падыходзіць
- Выканаць – па-расейску: исполнить
- Гледачы – па-расейску: зрители
- Надвор’е – па-расейску: погода
- Адпавядаць – па-расейску: соответствовать
Адукацыйную праграму «Мова нанова» глядзіце кожную нядзелю на тэлеканале «Белсат» праз спадарожнік «Астра 4A» (ранейшая назва «Sirius 4») або на YouTube-канале «БЕЛСАТ LIFE».
