навіны

Што пакажуць на «Bulbamovie 2024»: трэйлер і праграма

Афіша фестывалю «Bulbamovie 2024»
Афіша фестывалю «Bulbamovie 2024». Выява: Bulbamovie.wordpress.com
podpis źródła zdjęcia

Фестываль беларускага кіно «Bulbamovie» пройдзе ўжо дзясяты раз. Сёлета яго правядуць 22–24 лістапада, стужкі зноў пакажуць у варшаўскім кінатэатры «Iluzjon». Праграма фэсту ўжо вядомая.

Першы фестываль «Bulbamovie» правялі яшчэ ў 2011 годзе, але фэсту не праводзілі ў 2017–2020 гадах. У 2021-м фестываль адрадзілі, калі на «Лістападзе» зліквідавалі конкурс беларускіх фільмаў. У 2024-м суд у Пінску назваў «экстрэмісцкаю» Facebook-старонку «Bulbamovie», а да каманды арганізатараў фэсту далучыўся былы каардынатар нацыянальнага конкурсу «Лістападу» Мікалай Лаўранюк.



Януш Гаўрылюк. Варшава, Польшча. 13 лістапада 2023 года. Фота: Карына Пашко / Белсат

«Прыйшоў час на мастацтва». Дырэктар «Bulbamovie» Януш Гаўрылюк – пра вяртанне нацыянальнага конкурсу і дапамогу палякаў

навіны

Сёлета фестываль адкрыюць «абсыпаным узнагародамі» фільмам «Motherland» Ганны Бадзякі і Аляксандра Міхалковіча, працягнуць канцэртам Ягора Забелава.


На фестывалі адзначаць 100 гадоў з нараджэння Васіля Быкава, пакажуць «У тумане» паводле ягонай аднайменнай аповесці і запросяць госцем рэжысёра фільму Сяргея Лазніцу.


А з нагоды 30-годдзя ўлады Аляксандра Лукашэнкі пакажуць – імаверна, упершыню ў Польшчы – стужку «Звычайны прэзідэнт» Юрыя Хашчавацкага. Рэжысёр таксама выступіць на фестывалі.


Найважнейшаю стужкаю фэсту арганізатары лічаць прэм’еру дакументальнага фільму «Апошнія словы» рэжысёра Рамана Шэля пра памерлага ў няволі мастака Алеся Пушкіна.


Акрамя таго, на фестывалі правядуць конкурс маладога беларускага кіно, пакажуць яшчэ мноства прэм’ераў і правядуць шэраг размоваў з рэжысёрамі.


Поўная праграма фестывалюна сайце і на Facebook па-польску і па-беларуску. Квіткі – на сайце «Iluzjon'у» (частка паказаў бясплатная). Падрабязнасці пра afterparty – на Facebook.


Алесь Наваборскі belsat.eu

больш па гэтай тэме Глядзіце больш
Item 1 of 4
апошнія
Item 1 of 10