Віцебскі арт-менеджар Уладзімір Булаўскі цалкам адбыў тэрмін зняволення і выйшаў на волю.
Пра гэта паведамляе тэлеграм-канал «Витебск, я гуляю!» са спасылкаю на знаёмых Уладзіміра.
Булаўскага затрымалі ў снежні 2022 года.
У траўні 2023-га мужчыну прысудзілі два гады пазбаўлення волі за неаднаразовае парушэнне парадку арганізацыі або правядзення масавых акцыяў (арт. 342 Крымінальнага кодэксу). Адбываў пакаранне ў Бабруйскай папраўчай калоніі № 2.
Уладзімір Булаўскі ‒ арганізатар канцэртаў і культурніцкіх праектаў (напрыклад, фестывалі «Свята ветру» або «Kartonka»), таксама вядомы як актывіст.
Раман Шавель belsat.eu
