Беларускі рэжысёр Андрэй Гнёт, які быў затрыманы ў Сербіі на патрабаванне ўладаў Беларусі, на волі. Пра гэта паведаміла ягоная адвакатка.
«Божа, як я радая, Андрэй на волі! Гэтым момантам мы жылі апошнія паўгода», — напісала Ганна Маціеўская ў Facebook.
Нагадаем, што Андрэй Гнёт быў пад хатнім арыштам у Сербіі. Да гэтага цягам больш як сямі месяцаў ён быў вымушаны правесці ў белградскай турме. Гнёта затрымалі ўвосень 2023 года на запыт уладаў Беларусі, якія абвінавацілі рэжысёра ва ўхіленні ад сплаты падаткаў.
29 кастрычніка 2024 года суд Баранавічаў і Баранавіцкага раёну прызнаў Instagram-старонку рэжысёра «экстрэмісцкімі матэрыяламі».
Якуб Хруст belsat.eu
