Жыхары Менску чулі гук, як пры выбуху, прыкладна а 14:15, паведамляюць адразу некалькі крыніцаў. Гэта мог быць гук пры пераходзе знішчальніка на гіпергукавую хуткасць.
Гук было чуваць ва ўсім горадзе. У прыватнасці, у парку Чалюскінцаў, ва Уруччы, на Міхалова і нават за горадам — у Ратамцы, паведамляе тэлеграм-канал «МотолькоПомоги».
Пра гэта ж пішуць у гарадскіх чатах і расказваюць чытачы «Нашай Нівы»:
«На Зялёным Лузе вельмі гучна, і дом трэсціся пачаў».
«Я на Сухараве, мне ледзь дзверы ад балкона ў рукі не прыляцелі».
«Менск–Мір» – добра было чуваць».
«Падумала, што выбух», – пішуць у чатах з Малінаўкі.
«У ГЦ — аж вокны трэсліся» – паведамляюць з Нямігі.
«І ў вёсцы побач з Уруччам».
«На Каменцы таксама аж дзверы задрыжэлі».
«Мяне на Менскім моры нават ударнаю хваляю трохі падштурхнула».
«На Жданах у некаторых магазах тынкоўка пасыпалася».
«У Смалявічах таксама было чуваць».
Афіцыйнай рэакцыі на здарэнне пакуль не было.
Арсен Рудэнка belsat.eu
