Кангрэс ЗША апублікаваў законапраект, які прадугледжвае падтрыманне грамадзянаў Беларусі і Расеі, якім давялося з'ехаць з дому праз рэпрэсіі і вайну.
Законапраект унесены на разгляд у Сенат ЗША сенатарам Бэнджамінам Кардынам, заўважыў тэлеграм-канал «МотолькоПомоги». У дачыненні беларусаў прапаноўваецца прызнаваць пратэрмінаваныя пашпарты прыдатнымі для паездак у ЗША і ставіць у іх візы.
Таксама грамадзянаў Беларусі могуць прызнаць асобамі «бяздомнай нацыянальнасці». Гэта азначае, што беларусы не могуць падацца на візу ЗША з Беларусі, а значыць, ім можа быць дазволена зрабіць гэта ў любых іншых краінах або ў нейкіх канкрэтных краінах.
Яшчэ адна прапанова – даваць беларусам статус часовай абароны, які можна атрымаць на запыт. Гэта дае права жыць і працаваць у ЗША.
Згодна з законапраектам, ЗША будуць заклікаць Еўрапейскую камісію і іншыя еўрапейскія ўрадавыя ўстановы даваць беларусам у выгнанні дакументы, якія дазваляюць здзяйсняць міжнародныя паездкі.
Пакуль дакумент яшчэ павінен прайсці шмат этапаў, і галасавання па ім не было.
Арсен Рудэнка belsat.eu
