Аляксандр Лукашэнка павіншаваў прэзідэнта Турцыі Рэджэпа Эрдагана З Днём Рэспублікі і заявіў, што хоча прыехаць у Турцыю.
Аляксандр Лукашэнка падкрэсліў, што «з вялікім задавальненнем» успамінае «змястоўную сустрэчу ў Астане» з Рэджэпам Эрдаганам у ліпені гэтага года.
«Гатовы прадоўжыць двухбаковыя кантакты і з удзячнасцю скарыстаюся вашым запрашэннем наведаць Турцыю з афіцыйным візітам», – гаворыцца ў паведамленні прэс-службы Лукашэнкі.
Палітык таксама пажадаў Эрдагану «добрага здароўя і поспехаў у палітычнай дзейнасці, а дружалюбнаму турэцкаму народу – мірнага неба, адзінства і росквіту».
Апошні раз Лукашэнка быў з афіцыйным візітам у Турцыі ў 2019 годзе. Тады яны з Эрдаганам абмяркоўвалі перш за ўсё эканамічную супрацу. Эрдаган прыязджаў у Беларусь у 2016 годзе.
Арсен Рудэнка belsat.eu
