Лукашэнка прагаварыўся пра хваробу

25.10.2024, 15:04

Аляксандр Лукашэнка нечакана прагаварыўся пра забароны з боку медыкаў. На што ён можа быць хворы? У чым інтрыга з датаю прэзідэнцкіх выбараў у Беларусі? Ці стануцца яны апошнімі для Лукашэнкі? Як вучэнні «Захад 2025» звязаныя з выбарамі? Пра гэта – сёння ў праграме «ПраСвет» з Сяргеем Пелясою.

Госці «ПраСвету» – Каміль Клысіньскі, аналітык Цэнтру ўсходніх даследаванняў у Варшаве, і Віталь Цыганкоў, палітычны каментатар радыё «Свабода» і аўтар праграмы «Двубой» на «Белсаце».

26 студзеня Лукашэнка сёмы раз абвесціць сябе прэзідэнтам

У самы цёмны час года, пад прыгнётам цяжкой рукі 30-гадовай тыраніі беларусам прыйдзецца вырашаць – ісці на выбары ці не.

Вялікія вучэнні «Захад 2025» у Беларусі. Дапамога ці пагроза для Лукашэнкі?

У Беларусі анансавалі вялікія вайсковыя вучэнні «Захад 2025» з удзелам расейскіх войскаў. Інфармацыю апублікавалі сінхронна з паведамленнем пра хуткую дату прэзідэнцкіх выбараў.

Ці прымуць Лукашэнку ў BRICS?

Ён марыць далучыцца да міжнароднага клубу ўплывовых дзяржаваў, партнёраў Расеі. У пагоні за гэтай марай ён паляцеў на саміт BRICS у Казань, сталіцу Татарстану.

Беларускі парадак дня ў Нямеччыне

На Захадзе працягваюць на высокім узроўні прымаць Святлану Ціханоўскую, пакуль Лукашэнка рыхтуецца да выбараў. Пра што Ціханоўская размаўляла з нямецкімі палітыкамі падчас візіту ў Берлін?

Выбары як частка гібрыднай вайны

У Малдове прайшлі прэзідэнцкія выбары, разам з імі – рэферэндум у пытанні еўрапейскай інтэграцыі краіны. Грамадзяне Малдовы выбралі быць у Еўразвязе. Але розніца паміж тымі, хто прагаласаваў за еўраінтэграцыю, і тымі, хто супраць, – усяго на адзін адсотак. Гэта сведчыць не толькі пра падзел у грамадстве, але і пра тое, што Расея не збіраецца адпускаць у Еўропу Малдову, як Украіну ці Грузію. Якія таксама на заканадаўчым узроўні прынялі шлях у ЕЗ, але бліжэй да Еўропы ад гэтага не сталі. Чаго чакаць ад другога туру прэзідэнцкіх выбараў у Малдове і як кампанія ператвараецца ў элемент гібрыднай вайны Расеі?