У хуткім часе гэтае пытанне будуць абмяркоўваць Аляксандр Лукашэнка і Уладзімір Пуцін.
З заявай пра тое, што ад Берасця да Масквы збіраюцца правесці хуткасную магістраль, выступіў Аляксандр Лукашэнка. Гэта адбылося падчас слухання дакладу ў пытаннях развіцця сеткі рэспубліканскіх аўтамабільных дарог і фармавання транспартавай інфраструктуры, што забяспечвае гадзінную даступнасць да гарадоў-спадарожнікаў.
Аляксандр Лукашэнка адзначыў, што пытанне пабудовы новай трасы ён дамовіўся абмеркаваць неўзабаве з кіраўніком РФ Уладзімірам Пуціным.
«Мы дамовіліся, што найбліжэйшым часам абмяркуем пытанні будаўніцтва хуткаснай магістралі праз Беларусь з Масквы на захад. Да Берасця прынамсі. Калі заходнікі захочуць у гэтым удзельнічаць, будзем да Берліна працаваць. Не – да Берасця і ў адваротным кірунку на ўсход. Гэта, можна сказаць, ужо пытанне перадвызначанае», – сказаў Аляксандр Лукашэнка.
Раней пра падобныя планы заяўляў дзяржсакратар Саюзнай дзяржавы Дзмітрый Мезенцаў. Ён адзначаў, што існуюць планы будаўніцтва высакахуткаснай магістралі паміж Масквой і Менскам, працягласць якой складзе 715 кіламетраў. Цягнікі, паводле ягоных словаў, будуць дасягаць хуткасці 400 км/г, а час у дарозе скараціцца з сямі да трох гадзінаў.
Раман Шавель belsat.eu
