Паводле расейскага МЗС, размаўляць «па камфортных тарыфах» жыхары Беларусі і Расеі змогуць з 1 студзеня 2025 года.
Пра гэта РІА Новости паведаміў дырэктар дэпартамента краін СНД Міністэрства замежных справаў Расеі Аляксей Палішчук.
Паводле словаў чыноўніка, з 1 студзеня 2025 года рыхтуецца забеспячэнне беларускіх і расейскіх абанентаў на тэрыторыі Саюзнай дзяржавы паслугамі сувязі па камфортных тарыфах, супастаўляльных у мабільных сетках дзвюх краін».
Адпаведныя дамоўленасці былі дасягнуты на пасяджэнні Групы высокага ўзроўню Саўміна Саюзнай дзяржавы 27 верасня ў Менску, адзначыў Палішчук.
Нагадаем, што пытанне адмены роўмінгу паміж дзвюма краінамі вырашаецца ўжо шмат гадоў. У 2017-м праект аб адмене роўмінгу быў унесены ў Дзярждуму РФ, у ім планавалася адмяніць роўмінг з 1 студзеня 2018 года.
У 2019-м тагачасны кіраўнік Савета Рэспублікі Міхаіл Мясніковіч абяцаў вырашыць пытанне адмены роўмінгу да канца года.
У снежні 2019-га адмена роўмінгу з 1 верасня 2020 года была прапісаная ў адной з дарожных карт па інтэграцыі Беларусі і Расеі.
З 1 красавіка 2022 года паміж дзвюма краінамі была адмененая плата за ўваходныя званкі. У тым жа годзе датай адмены роўмінгу называлася 1 чэрвеня.
А ўжо ў чэрвені 2024 года было пастаноўлена вырашыць праблему роўмінгу да снежня 2024 года.
Раман Шавель belsat.eu
