Прызыўнікі ў Менску атрымліваюць SMS-паведамленні пра неабходнасць з'явіцца ў ваенкамат. Пра гэта апавёў кансультант аддзелу прызыву на вайсковую службу галоўнага арганізацыйна-мабілізацыйнага ўпраўлення Генштабу УС Беларусі Андрэй Мурашоў.
Андрэй Мурашоў адзначыў, што асноўным спосабам паведаміць аб прызыве застаецца позва, але эсэмэскі таксама рассылаюцца.
«Такі спосаб таксама прадугледжаны заканадаўствам, і ў гэтую прызыўную кампанію да асобных прызыўнікоў ён прымяняўся. Толькі трэба мець на ўвазе, каб разумець маладому чалавеку, што гэта сапраўды прыйшло паведамленне з ваенкамату, ён мае ідэнтыфікаваць альфа-імя вайсковага камісарыяту», – кажа Мурашоў агенцтву «Минск-Новости».
Гэтыя «альфа-імёны»можна знайсці на сайтах раённых адміністрацыяў.
У паведамленні ад ваенкамату гаворыцца пра час і дату, да якіх мае прыйсці чалавек, а таксама мэта паведамлення, адрас ваенкамату і тэлефон для даведак.
Арсен Рудэнка belsat.eu
