У польскім горадзе Сакаляны Падляскага ваяводства недалёка ад мяжы з Беларуссю прызямліўся паветраны шар з прымацаванымі да яго 1 200 пачкамі цыгарэтаў. Служба аховы дзяржаўнай мяжы ініцыюе папраўкі ў заканадаўства, каб атрымаць права ўжываць агнястрэльную зброю супраць невядомых аб'ектаў, што залятаюць на тэрыторыю краіны па паветры.
Як паведамляе «Radio Zet», у пачатку кастрычніка і ў верасні падобныя шары знаходзілі на тэрыторыі памежнага Падляскага ваяводства. У Літву ж ад пачатку года заляцела больш за 600 паветраных шароў (метэазондаў) з кантрабанднымі цыгарэтамі, паведаміў агенцтву BNS прадстаўнік Службы аховы дзяржаўнай мяжы (САДМ) Гіедрус Мішуціс.
«Гэта не азначае, што ўсе неперахопленыя паветраныя шары трапляюць да кантрабандыстаў. < ... > Некаторыя з іх выбухаюць ды падаюць», – адзначыў Мішуціс.
30 верасня паведамлялася, што САДМ ініцыюе папраўкі ў заканадаўства, каб атрымаць права ўжываць агнястрэльную зброю супраць невядомых аб'ектаў, што залятаюць на тэрыторыю краіны па паветры.
Надзея Вольная belsat.eu
