35-гадовы беларус ехаў з Польшчы на аўтамабілі «Ford» праз пункт пропуск «Берасце», скарыстаўшы з зялёнага калідору, хаця вёз груз коштам каля 44 тысяч рублёў.
«Берасцейскія мытнікі прынялі рашэнне пра агляд ягонага транспартнага сродку з ужываннем надгляднага комплексу. У выніку надгляду выявілі, што 95 гаманцоў былі схаваныя ў столевай прасторы, на бакавых сценках, у дзвярной карце салона аўтамабіля», – паведамляе старэйшая інспектарка Берасцейская мытні Наталля Грабінская.
Кіроўца распавёў, што крыптагаманцы належаць не яму, іх папрасілі перавезці праз мяжу незнаёмыя людзі ў Польшчы. Маўляў, ён усё схаваў, «каб у мытнікаў не ўзнікала лішніх пытанняў».
Кошт крыптавалюты Беларуская мытня ацаніла на 44 тыс. рублёў.
«Гаманцы канфіскаваныя, як і транспартны сродак, які выкарыстоўваўся для іх утойвання», – піша мытня.
Цяпер беларусу пагражае штраф да 30 базавых велічыняў, а яшчэ канфіскацыя крыптагаманцоў і аўтамабіля.
Тэса Анэйда belsat.eu
