За апошнія пяць гадоў у Беларусі колькасць зарэгістраваных злачынстваў павялічылася на 4,7 %. Пра гэта паведамілі ў Нацыянальным статыстычным камітэце.
Паводле Белстату, за 2018‒2023 гады злачыннасць знізілася на Віцебшчыне і Меншчыне. У іншых рэгіёнах, у тым ліку ў Менску, назіраўся рост.
Калі ў 2023 годзе ў сярэднім у краіне былі зарэгістраваныя 930 злачынстваў на 100 тыс. асобаў, то ў 2018-м ‒ толькі 888.
Самы вялікі ўзровень злачыннасці адзначаецца ў Асіповіцкім і Добрушскім раёнах. Там летась на кожныя 100 тыс. жыхароў былі зафіксаваныя больш як 1,45 тыс. злачынстваў, або ў 1,5 разу вышэй за сярэдні паказнік у краіне.
Самымі ціхімі ў Беларусі выявіліся Шаркаўшчынскі (478) і Докшыцкі (553) раёны.
Паводле якіх злачынстваў назіраўся рост, Белстат не ўдакладняе. Але рост зафіксаваных злачынстваў можа быць звязаны з палітычным тэрорам у краіне, які не спыняецца з моманту выбараў 2020 года. Гэтак, старшыня Следчага камітэту Дзмітрый Гара заявіў 31 траўня, што са жніўня 2020 года ў Беларусі былі зафіксаваныя 19 тыс. «экстрэмісцкіх злачынстваў». Тэрмін «экстрэмізм» улады выкарыстоўваюць для абазначэння любых праяваў пратэставай дзейнасці ды іншадумства.
Таксама глядзіце ў сюжэце:
Якуб Хруст belsat.eu
