Нацыянальны статыстычны камітэт Беларусі паведаміў пра змяншэнне росту рэальных грашовых даходаў жыхароў краіны.
Рэальныя грашовыя даходы насельніцтва Беларусі, з якіх вылічаныя падаткі, зборы і ўнёскі ды якія былі скарэктаваныя на індэкс спажывецкіх цэнаў, у студзені ‒ жніўні 2024 года выраслі на 9,7 % да ўзроўню студзеня ‒ жніўня 2023-га.
У агульным аб’ёме грашовых даходаў аплата працы займае 65,6 %, пенсіі, дапамогі, стыпендыі ды іншыя трансферты насельніцтву ‒ 21,9 %, даходы ад прадпрымальніцкай ды іншай дзейнасці, якая прыносіць даход, ‒ 7,8 %, даходы ад уласнасці ды іншыя даходы ‒ 4,7 %.
Адзначым, што ў студзені ‒ ліпені рост рэальных грашовых даходаў беларусаў быў большы ‒ 9,9 % супраць цяперашніх 9,7 %.
Нагадаем, што цэны ў Беларусі ў верасні выраслі на 0,4 % пасля зніжэння ў жніўні на 0,1 %.
Якуб Хруст belsat.eu
