Епіскап Бабруйскі і Быхаўскі Серафім адслужыў літургію ў папраўчай калоніі № 2 Бабруйска 6 кастрычніка, а затым выдаў падзячныя граматы кіраўніцтву калоніі.
Набажэнства ў той дзень было прысвечана памяці Яна Хрысціцеля – прарока, абезгалоўленага ў зняволенні, «Хрысціянская візія».
«У апублікаванай епархіяй фотагалерэі можна заўважыць, што пасля заканчэння службы архірэй выказаў падзяку кіраўніцтву калоніі — сярод супрацоўнікаў, якія трымаюць грамату, адгадваецца і начальнік Яўген Бубіч», – піша «Хрысціянская візія».
Бабруйская калонія вядомая шматлікімі сумнымі гісторыямі: там выкарыстоўваюць тяжкую працу зняволеных на «Белшыне», створаныя суровыя ўмовы для зняволеных, у тым ліку неаказанне належнай медыцынскай дапамогі. 20 лютага 2024 года ў ВК-2 ад спынення сэрца памёр 63-гадовы палітвязень Ігар Леднік.
Як расказваў зняволены, які выйшаў з калоніі Бабруйска, смерці там – частая з'ява, а «стаўленне лекараў да зняволеных – як у ветэрынараў на ферме».
Арсен Рудэнка belsat.eu
